Norðurlandamótið í hópfimleikum fór fram í Drammen í Noregi um helgina. Gerpluliðin voru búin að undirbúa sig vel fyrir mótið og var blandaða liðið í baráttunni um verðlaun. Keppnin var hinsvegar mjög jöfn og hörð og endaði liðið í 5.sæti. Stelpurnar voru glæsilegar og sýndu flott tilþrif á mótinu og enduðu í 6.sæti. Það voru sænsk lið sem sigruðu báða þessa flokka en hver lending í stökki skiptir miklu þegar keppnin er eins hörð og raun bar vitni. Við erum mjög stolt af frammistöðu okkar liða og þjálfurum þeirra og tökum þessa reynslu heim í fimleikasalinn og höldum áfram að æfa okkur. Þangað til næst 💪 Áfram Gerpla!