Fimleikadeild

UM DEILDINAGRUNNHÓPARFRAMHALDSHÓPARHRAÐFERÐFATNAÐURÆFINGAGJÖLD

Grunn –og framhaldshópar Gerplu er upphaf fimleikaiðkunar hjá félaginu. Hér byrjum við að telja hversu lengi börnin hafa æft fimleika. Í grunn –og framhaldshópum félagsins fer fram hin eiginlega innleiðing á grunnæfingum fimleika, þó svo að iðkandi verði aldrei fullnuma á þær æfingar, alltaf er hægt að betrumbæta æfingarnar.

Helstu markmið í grunn– og framhaldshópum félagsins

  • Að auka styrk, þol og liðleika iðkandans
  • Að auka þekkingu og færni þeirra á grunnæfingum fimleika
  • Að auka sjálfstraust þeirra á fimleikagólfinu
  • Að undirbúa iðkendur undir keppni á vegum FSÍ

Grunnhópar

Íslenski fimleikastiginn er gefinn út á fjögurra ára fresti og hefur sú útgáfa haldist í hendur við nýjar dómarareglur Alþjóðlega Fimleikasambandsins (FIG). Það er mikilvægt fyrir þjálfara og dómara að kynna sér vel innihald fimleikastigans sem og alþjóðlegar dómarareglur FIG en einnig getur verið mjög gagnlegt fyrir iðkendur og forráðamenn að kynna sér uppbyggingu og markmið stigans. Fimleikastiginn er byggður upp sem keppnisæfingar í áhaldafimleikum en er ekki tæmandi yfir þær grunnæfingar sem nauðsynlegar eru í þjálfun fimleika. Fimm efstu þrepin eru ætluð til keppni á mótum FSÍ.

Stúlkur

Fimleikastiginn er byggður upp á átta þrepum ætluðum til æfinga og keppni í áhaldafimleikum kvenna. Lægstu þrjú þrepin eru ætluð til keppni á innanfélags- og vinamótum og til leiðbeiningar um uppbyggingu kennslu fimleikaæfinga í áhaldafimleikum.

Neðstu þrepin, 7. og 8. þrep, ásamt sérútbúnu 9. þrepi sem Gerpla lét útfæra fyrir grunnhópa 1x í viku eru ætluð til notkunar innanfélags sem viðmið fyrir einfaldar samsettar grunnæfingar þar sem hver er að keppa við sjálfan sig og er stigagjöfin einfalt matskerfi.

Drengir

Fimleikastiginn er byggður upp á sex þrepum ætluðum til æfinga og keppni í áhaldafimleikum karla. 6. þrepið er ætlað til keppni á innanfélags- og vinamótum og til leiðbeiningar um uppbyggingu kennslu fimleikaæfinga í áhaldafimleikum. 6. þrep létt er síðan undirbúningsþrep fyrir 6. þrep.

Gerpla lét útfæra grunnþrep fyrir grunnhópa drengja 1x og 2x í viku. Þessi þrep eru ætluð til notkunar innanfélags sem viðmið fyrir einfaldar samsettar grunnæfingar þar sem hver er að keppa við sjálfan sig og er stigagjöfin einfalt matskerfi.

Grunnhópar 1x í viku Grunnhópar 2x í viku
Stúlkur 9.þrep 8.þrep
Drengir Grunnþrep 1 Grunnþrep 2

Framhaldshópar

Framhaldshópar 2x í viku
Stúlkur 7.þrep
Drengir 6. þrep undirbúningur

Eftir þetta stig þá er iðkendum leiðbeint áfram eftir því hvar þeirra áhugasvið og styrkleiki liggur. Um þrjár mismunandi leiðir er að ræða. Keppnisdeild í áhaldafimleikum, keppnisdeild í hópfimleikum og almenna fimleika og hópa sem heita fimleikar fyrir alla þar sem ekki er lögð áhersla á keppni heldur er megináherslan að iðka fimleika sem heilsurækt og taka þátt í sýningum.

Í vetur mun Gerpla bjóða uppá hraðferðarhópa. Hraðferðarhópar eru í boði fyrir þá einstaklinga sem eru tilbúnir andlega og líkamlega að fara hraðar í gegnum æfingar. Sumir einstaklingar eru tilbúnir í hraðari yfirferð og flóknari æfingar og geta þá valist í þann hóp. Ef barnið þitt er valið í hraðferðarhóp þá er engin skylda að þiggja plássið og heldur þá iðkandinn áfram í venjubundinni yfirferð. Þess ber að geta að meiri kröfur eru gerðar til barna sem fara í hraðferð til að hægt sé að fara hraðar yfir.
Í hraðferðarhópum eru börn í 1. og 2. bekk grunnskóla og getur aldurinn verið blandaður innan hópsins. Hraðferðarhópar eru fáir og því lítið svigrúm til breytinga.

Eftir 2.bekk þá er iðkendum leiðbeint áfram eftir því hvar þeirra áhugasvið og styrkleiki liggur. Um þrjár mismunandi leiðir er að ræða. Keppnisdeild í áhaldafimleikum, keppnisdeild í hópfimleikum og almenna fimleika og hópa sem heita fimleikar fyrir alla þar sem ekki er lögð áhersla á keppni heldur er megináherslan að iðka fimleika sem heilsurækt og taka þátt í sýningum.

Æfingafatnaður

Almennur íþróttaklæðnaður, stuttbuxur og stuttermabolur sem passa. Fimleikabolur og teygja í hárið.

Eftirfarandi fatnaður fæst í Gerplu sjá nánar undir Gerpluvarningur

Æfingagjöld

Æfingagjöld fyrir haustönn  ( 21.ágúst til 30.des.) 2017

Til þess að plássið sem úthlutað hefur verið sé tryggt þá þarf að ganga frá greiðslu æfingagjalda fyrir 20.janúar. Ganga þarf frá greiðslu æfingagjalda á greiðslusíðu Gerplu. Ef iðkandi hefur ekki áhuga á að halda plássinu sínu þarf að senda formlega uppsögn á heidur@gerpla.is og er það á ábyrgð forráðamanna. Uppsögnin tekur gildi frá næstu mánaðarmótum frá því að hún er móttekin. Ef ekki er gengið frá æfingagjöldum fyrir tilsetta dagsetningu hér að ofan áskilur Gerpla sér rétt til að setja æfingagjöldin á einn greiðsluseðil og bætast þá við seðilgjald og/eða  annar umsýslukostnaður ef bakfæra þarf reikninginn.

Inni á greiðslusíðu Gerplu er hægt er að greiða með greiðslukorti eða með greiðsluseðlum. Hægt er að skipta niður í allt að fimm greiðslur. Á greiðsluseðlum bætast við greiðslu og umsýslugjöld en engin gjöld eru innheimt vegna greiðslukorta. Verðskrá er að finna hér í tengli að ofan.

Frístundastyrkir

Hægt er að nýta frístundastyrk sveitarfélaganna til lækkunar á æfingagjöldum.

Leiðbeiningar varðandi Kópavogsbæ er að finna hér.

Leiðbeiningar varðandi Reykjavík er að finna hér. Við minnum forráðamenn á að það þarf að kalla fram frístundastyrkinn í greiðslukerfinu hjá Gerplu eftir að honum hefur verið úthlutað.

Varðandi upplýsingar um fyrirkomulag hjá öðrum sveitarfélögum þá er hægt að hafa samband við afgreiðslu Gerplu.

Afsláttur

Starfsmenn Gerplu setja inn fjölskylduafslátt og verður hann komin inn í kerfið fyrir 21.ágúst. Athugið að það er handvirk færsla og því geta komið tilfelli þar sem vantar afsláttinn og þá óskum við eftir því að haft verði samband við afgreiðslu Gerplu svo hægt sé að lagfæra það. Mikilvægt er að það sé gert áður en gengið er frá greiðslunni.